CALAAN, Panitan, Capiz – Temporaryo nga naka angkon sang kahilwayan matapos ang reglementary period ang suspek sa pagpanglabo ginpagwa sa Barangay Calaan, Panitan, Capiz.
Ginkilala ang suspek nga si Maldo, yara sa legal nga pang-edaron, samtang ang mga biktima niya wala naman ginhingalanan nga ginkilala na lang bilang magulang sang suspek kag bayaw nga yara man sa legal nga edar kag tanan sila lunsay residente sang nasambit nga lugar.
Sa interview sang Bombo Radyo kay Police Captain Ronald F Ton-ogan, Officer-in-Charge sang Panitan Municipal Police Station, iya ginpahayag nga sa na angkon sang suspek, nag-execute man sang affidavit of non-interest ang isa sa mga biktima, nga nagapahayag nga indi na ini interesado sa pagpasaka sang kaso.
Suno kay Ton-ogan, kun balikan natabo ang insidente sang pasado alas-8:00 sang gab-i matapos nagluntad ang indi pag-intindihanay sa tunga sang isa ka babayi nga tiya sang isa sa mga biktima kag sang duha ka persona kun sa diin nag-intra sa diskusyon ang suspek kag ginlabo ang duha ka biktima.
Pahayag pa niya, naka agom sang pagpangbuno sa hawak ang duha ka biktima sang tig-isa ka beses, gilayon naman gindalab sa pampubliko nga hospital ang mga biktima para sa nagakaigo nga pagbulong kag sa karon yara na sa stable ang komdisyon.
Dugang pa sang natungdan, wala naman sang kriminal rekords ang suspek sa Panitan MPS, kag nag-istoryahanay na ang pamilya parte sa insidente kag nagkasugot na sila sa paghusay sang problema, lakip ang mga nagasto samtang sa bulan sang November nahauna ini nga narekord sang barangay nga may mngluntad nga hacking incident.
Sa karon, ginapanugyanan sang Panitan Municipal Police Station ang publiko nga magpabilin nga kalmado kag likawan ang pagpadako sang indi pag-intindihanay, labi na sa sulod sang pamilya.
