Nagsungka na ang supek nga nag-hit and run sa isa ka senior citizen sa Barangay Tabuc Sur, Panitan, Capiz.
Ang biktima amo si alyas jeck, 66-anyos kag residente sang Brgy Agkilo, Panitan, Capiz.
Sa interview sang Bombo Radyo kay Police Lieutenant Larry Pasmo, Deputy Chief of Police sang Panitan Municipal Police Station, iya ginpahayag nga
yara nagpundo sa kilid sang dalan ang biktima agud magkaayo sang kadena sang iya nga tricycle sang hinali lang ini nga ginbungguan sang salakyan nga ginamaneho sang suspek rason nga nag-apok ini.
Sa baylo nga ini ang buligan, madasig nga nagpalagyo ang suspek sakay sa iya salakyan.
Gilayon man nga gindala sa ospital ang biktima apang gindeklara nga dead on arrival bangud sa patal nga pilas nga naangkon sini.
Madasig man nga nagpatigayon sang hot pursuit operation ang kapulisan kag narekober ang salakyan suspek sa Brgy Lawaan, Roxas City matapos nga iya nga gin-abandonar.
Sa subong, yara na sa kustodiya sang Panitan Municipal Police Station ang suspek paras sa nagakaigo nga disposisyon.
