ROXAS CITY – Natalana na nga pasakaan sang nagakaigo nga kaso ang suspek nga nagpanglabo-patay sa 47-anyos nga lalaki sa Sitio Sinandigan, Barangay Mianay, Capiz.
Matandaan nga ginkilala ang biktima kay alyas “Chrisphine” samtang ang suspek amu si alyas “Jose” lunsay residente sang nasambit nga lugar.
Mahibaluan nga base sa imbestigasyon sang Sigma Municipal Police Station, nagsugataay ang biktima kag suspek sa dalanon sang nagluntad ang pagbinaisay.
Ginapahayag ginlagas sang suspek ang biktima kag ginlabo gamit ang binangon.
Bangud sini nag-angkon sang patal nga pilas sa nagkalain-lain nga parte sang lawas Ang biktima nga nagresulta sang iya gulpi nga kamatayon.
Samtang naaresto naman ang suspek kag ginkustodiya na sa Sigma PNP para sa nagakaigo nga disposisyon.
Samtang, ginalantaw nga rason sang mga kapulisan nga daan nga hiligut-anon ang motibo sa pagpatay sa biktima.
