Pilason ang 40 anyos nga welder matapos ginbuno sang 34 anyos nga construction worker sa Sitio Tres Arcangeles, Barangay Lawaan, Roxas City.
Ang biktima amo si Erwin Faeldonia Martinez kag ang suspek naman amo si William Derramas Ventura, lunsay residente sang nasambit nga barangay
Sa interview sang Bombo Radyo kay Police Lieutenant Colonel Ricardo Jomuad Jr., Hepe sang Roxas City Component Police Station, iya ginpahayag nga yara sa impluwensya sang makahulubog nga ilimnon ang duha ka mga persona.
Suno kay Jomuad, nagsulong ang biktima sa balay sang suspek kag nanghangkat sang inaway.
Nagkuha sang kutsilyo ang suspek kag ginbuno ang biktima sa butkon kag dughan.
Pahayag sang hepe, madugay na nga may yara sang daan nga hiligut-anon ang duha.
Sa subong, padayon nga ginapangita sang kapulisan ang suspek matapos nagpalagyo.
Desidido naman nga magpasaka sang kaso ang pamilya sang biktima batuk sa suspek.
