ROXAS CITY – Ginhingadlan na ang suspek sa pagbuno sa mag-iloy sa National Housing Authority (NHA) sa Brgy. Timpas, Panit-an, Capiz.
Sandig kay PSSgt. Francisco Mario Balasa, gintuad na sang mga biktima ang pagkakilanlan sang suspek nga nagsulod sa ila balay sang nagligad nga gab-i.
Ginkilala diri ang ginatudlo suspek nga si Karl David Diestro, nga residente sang banwa sang Panit-an.
Matandaan nga ginsulod ang balay ni Sharon Cortez Duron, 37-anyos kag isa ka online seller, pinaagi sa pag-agi sa ginwasak nga jalousie nga bintana, apang sang nakabugtaw ang mga biktima, nagbato’ ang mga ini sa suspek rason nga ginpangbuno ang mga ini.
Nakilala ang ginatudlo suspek bangud isa ini ka tricycle driver nga masami ginasakyan sang mag-ulutod nga menor de edad.
Sa karon, wala pa madakpan ang nasambit nga suspek.
