ROXAS CITY – Padayon nga at-large sa mga kapulisan ang suspek sa pagluthang sa maghimata, sa Barangay Sta. Fe, Pilar, Capiz.
Matandaan nga ang suspek ang ginkilala kay Reman Zacarias Galosmo, sa legal nga pang-edaron, kag residente sang nasambit nga lugar.
Nahibaluan nga sa imbestigasyon sang mga kapulisan, nagguwa sa ila balay ang mga biktima nga sanday Jeffrey Dadivas Tiamson 36-anyos, kag Hernani Barlas Dadivas, 65-anyos, nga lunsay residente sang nasambit nga barangay, matapos ang pagginahod sang ila ido, apang sa pagpasiga ni Tiamson sang flashlight, nakit-an sini ang suspek sa puno sang mangga, kag gilayon nga nagpangluthang.
Nag-angkon sang pilas sa ulo ang duha ka mga biktima, nga padayon sa karon ginabulong sa ospital.
Wala pa mahibaluan ang motibo sang suspek sa pagpangluthang.