Arestado ang 47 anyos nga lalaki matapos ang insidente sang pagpangbuno sa Barangay Bago Chiquito, Panay, Capiz.
Ang suspek amo si alyas Ray samtang ang biktima naman amo si alyas Dan, 63 anyos.
Sa interview sang Bombo Radyo kay Police Captain Eric Deocampo, Officer-in-charge sang Panay Municipal Police Station, iya ginpahayag nga samtang yara sa garden ang biktima, nag-abot ang suspek nga yara sa impluwensya sang makahulubog nga ilimnon kag ginaalegar nagsinggit.
Suno kay Deocampo, samtang nagalakat padulong sa balay ang biktima, ginaalegar gin-atake ini sang suspek patalikod gamit ang kutsilyo.
Natigayon nga maaresto ang suspek pinaagi sa citizens arrest kag na-recover sang kapulisan ang kutsilyo.
Sa subong, padayon nga ginabulong sa ospital ang biktima.
