Napatay sa ospital ang 24-anyos nga suspek sa pagpangluthang nga ginkapatay sang anum ka mga tawo sa makasaysayan nga mayor sa plaza sang Krakow, Poland.
Suno sa Polish police, ginluthang sang mga pulis ang suspek antes ini nadakpan pila ka minutos matapos nga nagpalupok sang pusil gikan sa iya salakyan kag ginpuntirya ang mga tawo sa lugar.
Una na nga ginpahayag sang pamahalaan nga posible naimpluwensiyahan sang far-right ideology ang suspek, nga residente sang bayan sang Ostrowiec Swietokrzyski sa southeastern part sang Poland.
Apang nagpaiway ang mga opisyal sa paghatag sang dugang nga pahayag samtang ginahibalo ang motibo sa krimen.
Suno kay Justice Minister Waldemar Zurek, magapadayon ang imbestigasyon sa pihak sang kamatayon sang suspetsado agud matumod kun nag-akto ini nga naga-isahanon ukon may impluwensya sang isa ka grupo.
Nagpasalig man ang mga otoridad nga usisaon sang maayo ang mga ebidensya nga nakuha, lakip na ang mga simbolo nga makita sa panapton sang suspek.
