Nadakpan na sang mga otoridad ang suspek sa pagluthang-patay sa isa ka 64-anyos nga laborer sa Sitio Ilawod, Barangay Alasaging, Maayon, Capiz nga natabo sang Mayo 4, 2026.
Ang biktima ginkilala nga si alyads George , residente sang amo man nga lugar, nga ginluthang samtang nagakarga sang kawayan sa iya motorsiklo sa higad sang dalan.
Sa interview sang Bombo Radyo kay Police Captain Danilo Lauron, officer in charge sang Maayon Municipal Police Station , iya ginpahayag nga nag-abot ang suspek nga nagsakay sa pula nga motorantes gintiro ang biktima gamit ang ginapatihan .45 caliber nga armas.
Naigo naman ang biktima sa nagkalain-lain nga bahin sang iya lawas nga nagtuga sang iya kamatayon.
Matapos ang madugay nga imbestigasyon kag follow-up operation sang kapulisan, nadakpan ang suspek kag opisyal na nga napasakaan sang kaso nga may kaangtanan sa insidente.
Sa subong, padayon ang legal nga proseso batok sa akusado samtang ginapaabot ang sunod nga tikang sang korte para sa kaso.
