MAAYON CAPIZ – Boluntaryo nga nagsungka sa kapulisan ang suspek sa pagpangluthang-patay sa isa ka lalaki sa Sitio Mansarag, Barangay Canapian, Maayon, Capiz.
Sa impormasyon nga nakuha sang Bombo Radyo Roxas sa Maayon Municipal Police Station, nagpadulong kahapon nga adlaw sa istasyon si alyas “Berting” dala ang armas-luthang nga gin gamit niya sa pagpangluthang sa biktima nga si Alyas Junior.
Madumduman nga natabo ang amo nga insidente santang yara sa sulod sang balay sang iya abyan nga si alyas “Erl” ang biktima sang nag-abot ang suspek nga tiyo sang iya abyan kag nagasinggitan nga paguwaon si “Erl”.
Apang sang ginbuksan sang biktima ang pwertahan, gilayon siya nga ginluthang sang suspek sa hitsura kag abaga.
Gindala pa ini sa Bailan District Hospital agud kuntani nga masalbar pa apang wala na ini nakahingabot kag ginbawian sang kabuhi.
Sa karon, yara na sa kustodiya sang Maayon PNP ang suspek para sa nagakaigo nga desposisyon.
