ROXAS CITY – Indi na luyag sang pamilya sang biktima nga magpasaka sang panumbungon batuk sa manghod matapos nga ginlabo ang kaugalingon nga magulang sa Barangay Timpas, Panitan, Capiz.
Matandaan nga ginkilala ang magulang kay Julius Buday Jr,, 46-anyos, mamumugon samtang ang manghod nga suspek amu si Rodel Buday, 42-anyos, lunsay mga residente sang nasambit nga Brgy.
Ba-se sa nangin imbestigasyon sang kapulisan, samtang yara ang magulang sa puluy-an sang ila iloy sang hinali na lang nag-abot ang manghod nga suspek kag nag-angkon sang argumento apang natigayon nga mauntat bangud sa pagtambag sang iloy.
Nagpauli ang manghod sa iya balay apang nagbalik sa balay sang iya magulang nga may bitbit na nga hinganiban kag ginlabo ang biktima.
Bangud sa natabo nag-angkon sang pilas sa nawala nga kamot kag tiyan si Julius kag ginpadangat sa ospital.
Mahibaluan, nga sang nanligad nga mga tuig may nagluntad man nga inaway sa tunga sang duha ka mag-utod.
Sa karon, yara na ang biktima sa istable nga kondisyon.
