ROXAS CITY – Padayon nga gina-ayam sang mga kapulisan ang suspek nga responsable sa pagluthang sa isa ka lalaki sa Barangay San Jose, Tapaz Capiz
Matandaan nga madasig nga nagpalagyo ang suspetsado nga si Perfecto Glore matapos ginaalegar nga gintiro ang biktima nga si Angelo Parle lunsay mga residente sang nasambit nga lugar.
Sandig sa inisyal nga imbestigasyon sang Tapaz Municipal Police Station nga nag-angkon sang pagbinaisay ang biktima kag suspek natuhoy sa utang.
Apang hinali na lamang nga nag-gabot sang ginaalegar homemade shotgun ang suspek kag gintiro sa abaga ang biktima.
Gilayon naman nga gindala sa Tapaz District Hospital si Parle apang gintransfer man gilayo isa ka ospital sa siyudad sang Roxas bangud man sa naangkon nga pilas kag padayon sa karon nga ginabulong.
Nagapadayon naman ang imbestigasyon sang mga kapulisan sa nagluntad nga insidente.
