Arestado na ang suspek sa pagpatay kay Police Captain Rian Ampoyos nga hepe sang 1st Capiz Provincial Mobile Force Company (CPMFC) sa Barangay Malic, Pontevedra pinaagi sa pagserbe sang gahum sang search warrant sa Barangay Malic, Pontevedra, Capiz.
Ang arestado amo si alyas nga “Jonel” residente sang nasambit nga lugar.
Sa interview sang Bombo Radyo kay Police Colonel David L. Cachumbo Jr., Provincial Director sang CPPO, iya ginpahayag nga nakuha sa paghikop sang subject person ang nagkalain-lain nga sahi sang mga illegal nga klase sang armas luthang.
Suno kay Cachumbo, magapangatubang ang suspek sa kaso nga Murder kag paggamit sang indi lisensiyado nga armas luthang sa idalom sang Republic Act No. 10591, kun sa diin wala sang piyansa nga ginrekomendar ang korte para sa iya temporaryo nga kahilwayan.
Matandaan, si Police Captain Ampoyos ang ginpatay sa sulod sang videoke bar sa Barangay Binuntucan, Pontevedra, Capiz sang Hulyo 20.
Sa subong, yara na paghinakop sang Pontevedra MPS ang arestado para sa nagakaigo nga disposisyon kag dokumentasyon.
