Nakilala na ang mga suspek sa pagluthang patay kay Chester Alagon nga isa ka delivery rider sa Sitio Ilaya, Brgy. Sibaguan, Roxas City.
Ang mga suspek amo si alyas “Amo,” residente sang Bayot Drive, Barangay IX, Roxas City samtang ang kaupod sini ginkilala kay alyas “John”
Sa interview sang Bombo Radyo kay Police Lieutenant Colonel Rogelio Tomagtang Jr., Chief of Police sang Roxas Component City Police Station, iya ginpahayag nga paagi sa maid-id nga imbestigasyon kag dugang nga kooperasyon sang mga pumuluyo natigayon na nga natumod ang isa sa mga suspek.
Suno kay Tomagtang bilang kabahin sang imbestigasyon sang kapulisan ang mga suspek ginpasakaan naman ang kaso nga Murder sang Setyembre 14, 2026.
Nagapanawagan ang natungdan sa publiko kun sino ang may ihibalo kun sa kahimtangan ni alyas “John” gilayon nga magkooperar sa mga otoridad.
Matandaan nga natabo ang insidente Agosto 28, kun sa diin roberry ang ginatudlo nga anggulo sa pagluthang patay sa biktima.
