Ginpaguwa na sang mga otoridad ang identity sang suspek sa pagpangluthang sa Abundant Life Christian School sa Madison, Wisconsin.
Suno kay Madison Police Chief Shon Barnes, nga ginkilala ang suspek nga si Natalie Rupnow, 15-anyos.
Ginpatawag naman sang mga otoridad ang ginikanan sang suspek para mahibaluan kun sin-o ang tag-iya sang nasambit nga armas-luthang.
Yara sa karon sa balay-bululngan ang anom nga napilasan sa insidente kun sa diin duha sa ila ang yara sa kritikal ang kondisyon.
Madumduman nga matapos ang pagpangluthang nga ginkapatay sang duha ka biktima, nagpakamatay man ang 15-anyos nga suspek kun sa diin narekober sa tupad sini ang pusil nga gingamit.
Kaupod nga napatay sa insidente ang isa ka manunudlo samtang ang isa naman ang isa ka estudyante.
