Pormal na nga nagpasaka sang reklamo ang Presidential Anti-Organized Crime Commission (PAOCC) batuk kay suspended Bamban Mayor Alice Guo sa Department of Justice (DOJ).
Mahibaluan kaupod ang Philippine National Police (PNP) Criminal Investigation and Detection Group (CIDG) ginreklamo si Guo sang Qualified Trafficking in Persons.
Kalakip man sa ginreklamo si Dennis Cunanan nga siya ang representative sang ginraid nga Zun Yuan Technology sa Bamban kag ang 13 pa ka mga indibidwal nga natalana nga pasakaan sang reklamo bangud sa pagkaulamid sa illegal nga Philippine Offshore Gaming Operators (POGO).
Suno kay DOJ Usec. Nicholas Ty nga nagapamuno sa Inter-Agency Council Against Trafficking (IACAT), nakakuha sila sang bastante nga ebidensya agud ireklamo ang alkalde kag mga kaupdanan sini kung sa diin may tion pa ang kampo ni Guo agud sabton ang nasambit nga reklamo.
Samtang, nagapati naman si Usec. Ty nga indi pagtestingan ni Guo nga maguha sa pungsod ilabi na nga isa ini ka public officials kung sa diin kinahanglan pa nga magkuha sang travel authority.
