Ginaduso sang Department of Energy (DOE) ang pagsuspinde sang excise tax sa Liquefied Petroleum Gas (LPG) kag kerosene kasunod sang pagpagwa sang Executive Order No. 125 – 2026 ni President Ferdinand R. Marcos Jr agud temporaryo nga kakson ang buwis sa mga mayor nga produkto sang petrolyo.
Kasunod ini sang report sang ahensya nga ang average nga presyo sang krudo sa Dubai naglab-ot sa US$99.41 kada bariles sa isa ka bulan, nga nagsobra sa US$80 threshold sa idalom sang Republic Act No. 12316 nga ginakabig nga ‘kritikal nga kondisyon’ sa sektor sang langis.
Kaangot sini, ang buhis sa LPG pagabuhinan sang P3.36 kada kilo ukon katumbas sang savings nga P36.96 para sa isa ka standard 11-kilogram cylinder, samtang may P5.60 nga pagnubo kada litro sa presyo sang kerosene.
Tinutuyo sini nga mabuhinan ang galastuhan sang mga pamilyang Pilipino sa tunga sang padayon nga pagsaka sang presyo sang langis sa pangkalibutanon nga merkado.
