Ginaplano na sang gobyerno kun paano masustenir ang P20 nga bugas tubtob sa tuig 2028 ukon matapos na ang termino ni Presidente Ferdinand Marcos Jr.
Suno kay National Food Authority Administrator Larry Lacson, may yara sang aktwal nga pundo nga nalakip para sa amo nga programa para sa 2026, 2027, kag sa bug-os nga 2028.
Kalakip diri ang pondo nga iga-alokar para sa procurement ukon pagbakal sang lokal nga bugas gikan sa mga mangunguma.
Dugang pa ni Lacson, ginplano man ang bulto sang bugas nga iga-release humalin 2026-2028, base sa konsumo sang target nga numero sang mga konsumidor nga pagasuplayan sang barato nga bugas.
Samtang, ginklaro sang opisyal nga ang ginatumod sang administrasyon nga rice sustainability sa idalum sang nasambit nga programa ang para sa masobra 15.6 million ka mga panimalay nga target nga makabenepisyo sa P20 Rice Program.
Pahayag pa niya, ang masobra 15 million ka mga panimalay ang una nga natukiban nga labi gid nga nagakinahanglan sini, bangud sang limitado nga financial capacity nga luyag solbaron sang administrasyon.//
