Swa-C sa banwa sang President Roxas, ginkordon kag ginabantayan sang kapulisan matapos gindeklara nga ‘’Critical Zone’’ ni Mayor Receliste Escolin bangud sa mataas nga kaso sang COVID-19

Ginkumpirma sang alkalde sang President Roxas, Capiz nga kasunod sang nangin deklarasyon sini nga pagpaidalum sa critical zone sang Swa-C sa nasambit nga banwa, ang pagkordon sa area kag pagbantay diri sang mga pulis.

Ginpahayag ni  Mayor Receliste ‘’Tanoy’’ Escolin katuyuan sini nga masiguro nga indi makaguha ang yara sa amo nga lugar nga madamo sang kaso sang COVID-19.

Bilang bulig sang LGU sa mga pumuluyo sa area, nagpanagtag na sila sang mga food packs.

Nahibaluan nga sa karon may 17 ka mga active cases sang COVID-19 nga na-rekord ang banwa sang President Roxas, Capiz.

#OverAllConsistentNumber1saCapiz#BastaRadyoBOMBO