Gin-athag sang Korte Suprema nga mahimo kumpiskaron ukon i-garnish ang sweldo sang mga opisyal sang gobyerno agud bayadan ang ila nga utang, kasunod sa ginpatuman nga layi.
Sa desisyon nga ginsulat ni Associate Justice Samuel Gaerlan, ginsiling sang Third Division sang Korte nga indi exempted sa garnishment ang sweldo sang mga pampubliko nga opisyal, kasubong sang kaso ni Atty. Fred Bagbagen.
Gintugutan sang RTC ang garnishment sang iya nga sweldo nga naka-deposito sa Philippine Veterans Bank para mabayadan ang utang nga P308,000 kay Anna May Perez.
Apisar nga na-dismiss na si Bagbagen sa kaso nga estafa, napamatud-an nga sa gihapon may yara ini sang sibil nga responsibilidad. Subong man ang pagpamalibad sang RTC kag Court of Appeals sa argumento ni Bagbagen nga ang iya nga sweldo ang pondo pa sang gobyerno tubtob sa wala ini nagamit.
Apang suno sa Korte Suprema, ginapahayag nga wala sang layi nga nag-e-exempt sa sweldo sang mga opisyal gikan sa garnishment.
Sa idalom sang Rule 39 sang Rules of Court, pwede nga ipangbayad sa utang ang mga sweldo, pribado man ukon pang-publiko.
Exempted lang ini para sa manual laborers ukon mamumugon kun sa diin protektado ang tubtob apat ka bulan nga balor sang sweldo, agud masiguro ang pagsustento sa ila nga pamilya.
Hugot man nga ginhatagan pagtamod sang Korte nga mas mataas ang basehan sa finances kag responsibilidad sang mga katapo sang gobyerno bangud sila ang tagdumala sang pagsalig sang publiko.
