LUCENA CITY – Liwat nga narecord ang aktibidad sang Taal Volcano matapos narecord ang duha ka minor phreatic eruptions kag pagsaka sang seismic events sa sulod sang 24 ka oras, suno sa Philippine Institute of Volcanology and Seismology (Phivolcs) sang Domingo, Abril 26.
Suno sa report sang Phivolcs, natabo ang duha ka steam-driven eruption o lokal nga ginatawag nga “pusngat” nga nagtiner sang mga 10 minutos, halin 1:57 a.m. hasta 2:07 a.m.
Nagbuga man ini sang aso nga naglab-ot sa 150 hasta 200 metros gikan sa bunganga sang bulkan base sa main crater IP camera.
Ang amo nga ahensya, amo na ini ang ikalima nga minor eruption sang Taal Volcano karon nga bulan. Makit-an ang bulkan sa tunga sang Taal Lake sa Batangas.
Sa nagligad, naitala man ang isa ka minutong mabaskog nga phreatic eruption sang Abril 21, sunod sang duha ka minutong phreatomagmatic eruption sang Abril 9, isa ka minutong aktibidad sang Abril 10, kag duha ka minutong phreatic burst sang Abril 6.
Ginpaliwanag sang Phivolcs nga ang phreatomagmatic eruption nagaabot kon nagahalo ang tubig kag magma ukon mainit nga volcanic materials nga nagahatag sang pagsabog, samtang ang phreatic eruption naman resulta sang singaw halin sa init sang magma ukon mainit nga bato.
Sa pihak nga bahin, naabot sa 48 ka volcanic seismic events ang naitala sa amo man nga period ginalakipan sang 25 ka volcanic earthquakes kag 23 ka volcanic tremors nga nagalawig sang isa tubtob 29 ka minuto, nga ginalauman nga pinakamataas sa sulod sang isa ka adlaw subong nga bulan.
Naitala man ang “voluminous” sulfur dioxide (SO₂) emission nga nag-abot sa 709 metric tons.
Sa pihak sini, wala sang nabatyagan nga volcanic smog ukon pagsaka sang mainit nga likido sa crater lake.
Nagapabilin sa Alert Level 1 ang Taal Volcano, nga nagakahulugan sang mababa nga lebel sang aktibidad, pero posible gihapon ang madali nga steam-driven explosions.
Ginpahanumdom liwat sang Phivolcs ang publiko nga higpit nga ginadili ang pagsulod sa Volcano Island, paglakat sa Taal Lake, kag paglupad sang eroplano malapit sa bulkan.
