ROXAS CITY – Apektado ang sitwasyon sang pila ka mga tag-iya sang balaligyaan sang semento sa syudad sang Roxas.
Sa interview sang Bombo Radyo kay Mr. Ronnie Leonor, sang Leonor Sand and gravel trading, ginpahayag sini nga bangud first time ang pagsuspendi sa quarry operation sa probinsya, apektado man sila pag-abot sa suplay sang semento, nga isa sa ginagamitan sang bato ukon balas sa construction.
Bangud sini, wala nalang ini nagapadamo sang stocks sang semento, ilabi na nga may expiration date ang nasambit nga produkto kag kanugon lang kun magtig-a.
Aminado ini nga madamo sila sang customers nga nagapadulong sa ila balaligyaan apang nagpahayag ini nga wala pa sang suplay.
Ginpahayag man sini nga bilang negosyante, may yara gid sang pagsugal ukon kapiyerdehan.
