Tag-iya sang balay nga nasunog sa Brgy. Cagay,Roxas City, nagapangayo sang bulig

Nagapangayo sang bulig ang tag-iya sang balay nga natupok matapos ang nagluntad nga sunog sa Sitio San Isidro, Barangay Cagay, Roxas City.

Sa interview sang Bombo Radyo kay Adonis Roxas, tag-iya sang nasambit nga puluy-an, iya ginpahayag nga wala gid sila sang mga pagkabutang nga nasalbar maskin nalang kuntani mga panapton.

Suno kay Roxas, gin-ubos gid sang kalayo ang ila nga mga kagamitan subong man ang mga hinupatanan nga kasapatan.

Nagapangabay naman ini nga kuntani may makahatag sa ila sang maskin panapton na lamang.

Sa mga may luyag maghatag sang bulig, mahimo gid nga makig-angot sa opisyal sang Barangay Cagay, Roxas City.

Reported by Bombo Sunnie Mae Constantino Batencila