ROXAS CITY – Nagpabalhag sa Roxas City Police Station ang isa ka tag-iya sang bulangan matapos nga ginaalegar tuyo kuntani nga kawaton ang manok sa Barangay Dinginan, Roxas City.
Ginkilala ang tagreklamo nga si Kenelm Sihiyon 30-anyos sang nasambit nga lugar.
Sandig sa ginpabalhag sang tagreklamo nga magkaupod sila nagainom sang suspek nga si Eric Bendoy 30-anyos sang amo man nga lugar kun sa diin naglisensya na ini nga magpauli.
Apang, makaligad ang 20 minutos nakibot ang tagreklamo nga nagkalupog ukon nagginahod ang manok.
Gintsekyar ini sang bantay nga si Christian Villaruz kun sa diin nadiparahan na lamang sini nga kulang na ang mga hinigtan nga manok.
Bangud diri, ginpangita nila ini kag diri nakita sa akto nga ginauyatan na sang suspek ang nasambitan nga manok.
Kasunod sini, ginpakamaayo na lamang sang tagreklamo nga iparekord sa pulisya ang insidente.///END
