Tag-iya sang ginmotornap nga motorsiklo wala na sang plano nga pasakaan sang reklamo ang motornapper nga nadakpan

Wala na sang plano ang tag-iya sang motorsiklo nga pasakaan sang reklamo ang motornapper nga nagmotornap sa iya motorsiklo, apang naaksidente samtang ginapalagyo ang motor sa Barangay Bungsuan, Dumarao, Capiz.

Nahibaluan gikan sa pamunuan sang Dumarao PNP nga bangud sa kaluoy sang tag-iya sang motor nga si Elizabeth Cabison, sa motornapper nga si Ryan Abian sang Concepcion, Iloilo, nagdesisyon ini nga aregluhon na lamang ini.

Matandaan nga naka-park sa guha sang balay ni Cabison ang iya motorsiklo, apang ginmotornap ini sang suspek.

Dimalas ang motornapper bangud naaksidente ini matapos makabunggo sa naka-park nga motorsiklo rason nga natumba ini, napilasan kag nadakpan.

Sa karon nagapabilin pa sa ospital sa Iloilo ang suspek.