ROXAS CITY – Ginkalipay sang pamunuan sang City health office ang nangin response sang mga taga syudad sang Roxas sa pagpaturok sang booster shot.
Nahibaluan nga subong nga adlaw, Enero 3 ang schedule sang pagpaturok sang amu nga shot, nga ginhiwat sa Dinggoy Civic Center.
Sa interview sang Bombo Radyo kay Dr. Lorry Cahilog, ginsiling sini nga overwhelming para sa ila nga bahin ang pagpakita snag suporta sang tawo sa pagpabakuna.
Pamatuod lamang ini nga nagasalig na ang mga sadto anay nagapangduha-duha sa kaepektibo sang vaccine.
Pahayag ni Cahilog nga mahimo makapaturok sang booster shot ang isa ka persona nga nakatapos sang iya 2nd dose sang COVID-19 vaccine pagkatapos sang 3 ka bulan, samtang 2 naman ka bulan para sa mga nakapabakuna gamit ang Janssen vaccine.
Ang masunod nga schedule amu sa Enero 4, bwas nga adlaw sa CPC Boulevard Campus, Enero 5, 6 kag 7 sa Dinggoy Civic Center.
Bukas ini para sa walk-ins.
