Nagahanda ang Taiwan, China kag Japan sa pag-abot sang Bagyong Inday, nga kilala sa international name nga Bavi.
Suno sa weather authorities sang Taiwan, mahimo nga magdala ang bagyo sang mabaskog nga ulan kag hangin, kag may posibilidad nga makaigo tubtob isa ka metro ang mabunok nga ulan sa pila ka mga lugar.
Bangud sini, kapin 29,000 ka mga soldado ang ginpa-standby para sa rescue kag relief operations.
Sa China, nagpaandam man ang mga otoridad sa posible nga daku nga epekto sang bagyo sa probinsya sang Fujian, samtang ginpa-aligmat naman ang mga residente sa southern Japan, lakip ang Sakishima Islands.
Bangud sa malain nga panahon, nagkanselar man sang ginatos ka flights ang pila ka airlines, lakip ang Japan Airlines, All Nippon Airways, Thai Airways kag Malaysia Airlines, nga nakaapekto sa linibo ka mga pasahero.
