Lauman nga magatanyag ang Taiwan sang 180,000 job opportunities sa mga caregivers sa masuinod nga lima ka tuig sa diin bukas ini sa mga aspiring Filipino migrant workers.
Base sa reports, may yara sang pagnubo sang numero sang mga Filipino applicants sa nagligad nga mga tinuig sa pihak sang mataas nga demand para sa mga caregivers sa Taiwan.
Sa idalom sang pagsulundan sang Department of Migrant Workers, ang caregivers ang gin-classify bilang household service workers sector.
Ang ini nga klasipikasyon ang may yara lamang sang P20,000 nga sweldo kada bulan rason nga gamay lang ang naga-apply.
Ginadumilian man ang recruitment agencies sa pag-collect sang placement fees kag iban pa nga miscellaneous charges nagikan sa mga caregiver applicants.
Agud nga mabuligan solbar ang shortage sang aplikante kag maka-engganyo sang madamo nga Filipinos nga mag-apply, naga-apelar ang Association of Licensed Recruitment Agencies sa DMW nga i-reclassify ang caregivers bilang semi-skilled workers.
