Ginbasura sang Iran ang 15-point peace plan nga gintanyag sang Estados Unidos sang America, sa tunga sang nagapadayon nga tensyon sa duha ka pungsod.
Suno sa spokesperson sang Iran military, ang Washington naga-negosyar sa tunga nila kag nagpaguwa sang isa ka mensahe nahanungod sa proposal.
Base sa mga report, ang nasambit nga plano nakalab-ot sa Tehran paagi sa pungsod sang Pakistan, nga sa subong naga-akto bilang intermediary.
Apisar nga wala pa ginpaguwa sa publiko ang bug-os nga detalye sang dokumento, ginpahayag nga nagaunod ini sang kondisyon nga bungkagon sang Iran ang ila mga nuclear facilities.
Bilang kabaylo, pagakakson ang mga sanctions nga ginpatuman batok sa ila pungsod.
Kabaliskaran naman sa nangin reaksyon sang Iran ang ginapatihan ni US President Donald Trump.
Matandaan nga sang Martes, gin-insister ni Trump nga luyag sang Tehran sang isa ka kasugtanan.
Sa pihak sang nagalala nga tensyon, gin-athag sang Iran sa United Nations (UN) nga mahimo gihapon nga makaagi ang non-hostile vessels sa Strait of Hormuz.
