Pormal na nga magatambong si Former Ilocos Sur Governor Luis Chavit Singson sa imbestigasyon sang Senate Blue Ribbon Committee agud maklaro ang isyu sang maanomaliya nga flood control projects sa pungsod Pilipinas.
Ini ang ginkumpirma ni Senate President Pro Tempore Panfilo Lacson, nga ginbaton sang iya komitiba ang boluntaryo nga tanyag sang anay gobernador nga magtestigo.
Suno sa senador, mismo si Singson ang nagpadala sang sulat kag nagkadto sa iya talatapan agud ipalab-ot ang iya tuyo.
Apisar nga wala pa napaidalum sa pormal nga vetting ukon examination ang palaabuton nga testimonya ni Singson, gin-athag ni Lacson nga gilayon niya nga gintugutan ang hingyo matapos ginsigurado nga nakasentro ang pahayag sa nasambit nga kontrobersiya.
Temporaryo naman nga gintalana sang komite ang masunod nga hearing sa Abril 14, apang mahimo nga pagahiwaton ini sang mas temprano pa.
