ROXAS CITT – Ginkompirmar ni Tapaz Mayor Roberto Palomar nga isa ini sa mga alkalde nga naghinyo kay Capiz Governor Esteban Evan Nonoy Contreras nga gamiton ang “Political Will” sa pagpapauli sang mga Locally Stranded Individuals (LSI) sa probinsiya.
Sa interview sang Bombo Radyo kay Palomar ginpahayag sini nga component city gid lamang sang probinsiya ang Roxas City rason nga may yara sang kinamatarong ang gobernador nga mag gamit sang iya political will para sa pagpauli sang mga LSI’s.
Suno kay Palomar nga indi mahimo nga indi pagpulion ang mga LSIs bangod maiwat na ang siwatsyon sa Metro Manila
Dugang pa sini nga kadam-an sa mga alkalde sa probinsiya ang wala nagpamalabag sa pagpauli sang mga LSI’s magluwas sa alkalde sang siyudad.
Ginpahayag pa sini nga suportado niya ang pagpapanaog sang show cause order ni Contreras kay Dadivas apang mas ginpakamaayo sini nga mag-ugyon na lamang ang isa ka isa para sa probinsiya kag dulaon na lamang ang pamulitika subong nga COVID-19 Pandemic.
Samtang ginpanugyanan naman ni Palomar nga sarang magamit sang siyudad ang mga buluthuan para usaron bilang quarantine facility para sa mga nagapalauli nga mga LSI’s.
Suno sa alkalde bakante ang mga buluthuan sa siyudad bangud wala pa ini ginagamit sang DepED kun gustohon sang nasambit nga alkalde.
Matandaan nga isa si Palomar nga nagtambong sa ginapatigayon nga teleconference ni Capiz Governor Esteban Evan Contreras natuhoy sa pagpamalabag ni Dadivas sang barko nga sakay ang kapin sa 53 ka mga LSI’s gikan sa Batangas, Port.
