Nagpangibabw ang pambato sang Pilipinas nga si Tarah Valencia sa preliminary evaluation sang Miss Supranational 2025, nga ginhiwat sang Hunyo 25, sa diin ginpakita sini ang iya katahum, kumpyansa, kag karisma sa atubang sang mga international judges.
Sa Confidence Round, nagsuksok si Valencia sang tangerine cutout one-piece swimwear nga ginhimo sang kilala nga Filipino designer nga si Boom Sason, nga nagapakita sang iya mga kurba kag tindog.
Masunod nga naglakat sia sa Elegance Round nga nagasuksok sang skin-tone mermaid cut gown nga may puti nga tulle sa palda kag floor-length arm drape, nga gindesinyo ni Larry Espinosa, isa man ka Filipino designer.
Sa iya Instagram post, ginlaragway ni Valencia ang iya kaugalingon nga suno sa iya isa ka “Like grace that glides on water. A swan with white wings and quiet strength.
Antes sini, isa man siya sa mga nagapanguna sa paindis-indis sang SupraModel, nga naglakip sang mga kandidato gikan sa Asya kag Oceania.
Nagalaum man si Valencia, nga madala pauli ang ikaduha nga korona sang Miss Supranational para sa Pilipinas.
Natalana nga hiwaton ang coronation night sa Malopolska, Poland sa Hunyo 27 (Hunyo 28 oras sa Manila).
