Naghinyo ang mga grupo sang mga mangunguma sang petisyon sa Korte Suprema nga ideklarar ‘unconstitutional’ ang isa ka-executive order (EO) nga nagatapyas sa taripa sang imported rice kag iban pa nga mga produkto.
Sa petition for certiorari, ginhinyo sang Samahang Industriya ng Agrikultura (SINAG), Federation of Free Farmers (FFF), United Broiler Raisers Association, the Sorosoro Ibaba Development Cooperative, kag ni anay Magsasaka Party-list representative Argel Cabatbat sa Korte Suprema nga magpaguha sang temporary restraining order (TRO) batuk sa EO 62.
Ginapadeklarar man nila sa High Court nga ‘null and avoid’ kag paglapas sa Konstitusyon ang bilog nga kasuguan.
Mahibaluan nga sa idalum sang EO 62 nga ginpirmahan ni Presidente Marcos sadtong Hunyo, ang tariff rates para sa imported nga bugas ang maganubo sa 15% nagikan sa anay 35%.
Bangud diri, ginsiling sang Department of Agriculture (DA) nga posible magnubo ang presyo sang bugas sang P6.00 tubtob P7.00 kada kilo.
