Gin-imbitar sang Philippine Coast Guard (PCG) si Senador Rodante Marcoleta nga mag-upod sa maritime domain awareness (MDA) flight padulong sa Kalayaan Island Group (KIG), suno sa spokesperson sang PCG para sa West Philippine Sea Commodore Jay Tarriela.
Sa isa ka post, ginpahayag ni Tarriela nga ang imbitasyon magahatag kay Marcoleta sang kahigayunan “nga magtindog para sa aton mga kinamatarung sa West Philippine Sea.”
Ini ang pahayag ni Tarriela matapos ang kontrobersyal nga pahayag ni Marcoleta nga mahimo ihatag sang Pilipinas ang KIG bangud ang pila ka bahin sini ang labaw pa sa exclusive economic zone (EEZ) sang pungsod.
Apang suno sa senador, ang iya pahayag ang yara lamang sa ginpalip-ot nga konteksto kag may kaangtanan sa proseso sang International Hydrographic Organization.
Ang KIG, nga kabahin sang Spratly Islands, yara sa idalom sang pag-angkon sang Pilipinas kag puluy-an sang mga Pilipino, lokal nga gobyerno, kag mga tinawo sang militar, lakip ang Pag-asa Island, nga nahamtang sa ginabanta 280 nautical miles sa nakatundan sang Palawan.
Suno kay Tarriela, ang mga flight sang MDA regular nga ginapatigayon agud ma-monitor ang kondisyon sang kadagatan kag ipakita ang presensya sang Pilipinas sa WPS.
Pahayag pa niya ang mga flights ginagamit sa pag-survey sang mga ruta sa dagat kag pag-monitor sang mga aktibidad sa dagat sang mga dumuluong sa gina-angkon nga kadagatan sang pungsod.
