MANILA, Philippines – Boluntaryo nga nagsurender ang tatlo ka anay supporters sang Abu Sayyaf Group “ASG”, sa mga otoridad dala ang 18 ka high-powered firearms sa Philippine Army sa Basilan; sa bulig sang negosasyon nga ginpangunahan ni Reserve Brigadier General Michael “Mikee” Romero kag opisyal sang Association of Reservists and Reservist Administrators of the Philippines “ARRAPI”.
Sa pahayag sang ARRAPI, pormal nga ginturn-over ang tatlo ka anay ASG supporters kag ang armas sa 1101st Infantry Brigade sa pagpanguna ni Brigadier General Frederick Sales, nga nagapalig-on sang kampanya para sa kalinong kag seguridad sa Basilan.
Lakip sa mga ginturn-over nga armas amo ang anum ka M16 rifles, tatlo ka M2 carbine rifles, tatlo ka M1 Garand rifles, duha ka 60-millimeter grenade launchers, kag apat ka 45-caliber pistols.
Suno sa report, ang mga nagsungka nga indibidwal nagpagpakig-angot sa network sang ARRAPI sa Basilan kag Zamboanga, nga nagapabutyag sang ila handom nga talikdan ang ila mga anay katapo, tinluan ang ila ngalan, kag magbalik sa malinong nga kabuhi ordinaryo nga sibilyan.
Matapos ang negosasyon nga ginpangunahan nanday Brigadier General Romero, Colonel Vlad Mata kag Cololonel Meliton Agpaoa, kun sa diin ang tatlo nga magboluntaryo nga magsurender kag ginpresentar sila para sa pagproseso sa idalom sang programa sang gobyerno para sa peace kag reintegration.
Gintambungan man ang turnover ceremony nanday Western Mindanao Command Deputy Commander Brigadier General Aldrin Annani, Task Force Orion – WestMinCom Commander Brigadier General Adriano Duadico, WestMinCom Engineering Brigade Commander Brigadier General Enyong Hernandez, Basilan People’s Governor Mujiv Hataman, kag Tuburan Mayor Durie Kallahal, nga anay lider sang Moro National Liberation Front ukon “MNLF”.
Sa karon ginpahayag sang opisyal nga ang madinalag-on nga pagsurender nagapakita sang padayon nga pagbinuligay sang Armed Forces of the Philippines “AFP”, Western Mindanao Command, ARRAPI, lokal nga panguluhan kag lider sang komunidad sa pagpalig-on sang kalinong, seguridad, programa sa Basilan, kag sa pag-engganyo sa iban pa nga miyembro kag kaupod sang armadong grupo.
