Tatlo ka bagyo sa guwa sang PAR, padayon nga ginamonitor

Padayon ang monitoring sang mga eksperto sa tatlo ka tropical cyclones nga nahamtang sa guwa sang Philippine Area of ​​Responsibility (PAR).

Lakip diri amo ang Bagyo Saudel nga nakit-an sa kalayuon nga 2,555 kilometers nasidlangan sang Northern Luzon nga may kabaskugon nga 150 kph kag pagmadlos tubtob 185 kph.

Ginamonitor man ang tropical depression nga nahamtang sa 1,055 kilometers nasidlangan sang Eastern Visayas, nga may maximum sustained winds nga 45 kph kag pagmadlos nga 55 kph.

Samtang ang Tropical Depression Gaenari yara man sa guwa sang PAR; ini ang nakit-an sa kalayuon nga 660 kilometers north-northeast sang Itbayat, Batanes, nga may maximum sustained winds nga 55 kph kag pagmadlos nga 70 kph.