MANILA, Philippines – Nagdaog sang international award ang tatlo ka Filipino students nga estudyante halin sa Angeles City Science High School matapos makadaog sang 2nd Grand Award sa Energy Category sang Regeneron International Science and Engineering Fair “ISEF”, 2026 sa Phoenix, Arizona.
Ginkilala ang partisipante nga sanday Asher John Garcia, Nathan Daniel Canilao kag Pierre Phoella Ilagan kun sa diin nakuha nila ang premyo nga nagabalor sang $2,400 para sa ila proyekto nga WinDTurbinePower, nga nagatinguha nga mapauswag ang kahusayan sang mga wind turbine pinaagi sa paggamit sang disenyo nga inspirado sa hammerhead shark kag golf ball.
Sa sulod sang apat ka bulan, wala sang untat nga nagtrabaho ang grupo sa ila research project kag naggamit sang computer modeling kag simulation software agud matestingan ang kapin 200 ka posible nga disenyo antes nila ini napauswag.
Pahayag sang mga estudyante nga nakaagom sila sang kapoy kag pagkadiscourage sa proseso sang ila panukiduki, bangud madamo nga beses nga nagapabilin sila sa eskwelahan tubtob gab-i kag nagapadayon sang diskusyon kag pagplano bisan yara na sa ila mga puluy-an.
Dugang sang ila coach nga si Lolita Bautista, indi talento lamang ang kinahanglan agud malampuwasan ang research kundi lakip man ang dedikasyon, kag pagbinuligay.
Sa bulig sang gobyerno nga naghatag sang mas daku nga suporta sa mananaliksik agud mapadayon nila ang ila mga inobasyon kag kontribusyon sa siyensya.
Samtang, ginpahayag sang mga estudyante nga ang ila kadalag-an isa ka pamatuod nga ang pagkamalainon, pagkamatinumanon kag handum nga makatuon mahimo magdala sang daku nga mga oportunidad.
Sa karon nagalaum sila nga ang ila kadalag-an mangin rason sang madamo pa nga kabataan magsulod sa larangan sang siyensya, kag teknolohiya.
