Tatlo ka hikers, patay matapos naglupok ang Mount Dukono sa Indonesia

Patay ang tatlo ka mga hikers matapos naglupok ang bulkan Mount Dukono sa Indonesia.

Naluwas naman sang mga rescuers ang tanan nga survivors gikan sa grupo sang 20 ka mga hikers nga nadula pagkatapos sang paglupok.

Kalabanan sa ila ang gin-evacuate na sa bukid, apang duha ang nabilin agud magbulig sa pagpangita sang mga bangkay.

Suno sa mga opisyal, nag-hiking ang grupo, kalakip ang siyam ka mga Singaporeans pakadto sa bulkan apisar nga ginadumilian ang pagsaka.

Nahibaluan nga ang Mount Dukono isa sa pinakaaktibo nga bulkan sa Indonesia kag isa ka popular nga destinasyon sang mga hiker kag mga turista.