Nagpasaka sang kaso ang tatlo ka hukom sang International Criminal Court batok sa administrasyon ni Donald Trump sa korte sa New York matapos sila mapasakop sa sanctions sang Estados Unidos.
Ang mga hukom nga sanday Kimberly Prost, Solomy Balungi Bossa kag Reine Alapini-Gansou nag-angkon nga ilegal ang ginpatuman nga sanctions kag ginahimo ini agud mapresyur sila bangud sang ila mga desisyon sa korte.
Suno sa reklamo, naapektuhan ang ila pang-adlaw-adlaw nga pangabuhi bangud sang sanctions lakip na ang pag-access sa bangko, credit cards, online services kag pagbiyahe. Ginpahayag man nila nga ang mga tikang sang U.S. mahimo makabalda sa mga proseso kag kaso nga ginadumalahan sang ICC.
Ang sanctions ginpatuman sang administrasyon ni Trump matapos ang mga tikang sang ICC may kaangtanan sa imbestigasyon sang gin-alegar nga war crimes sa Afghanistan kag pag-isyu sang arrest warrant batok kay Benjamin Netanyahu
