Dakop ang tatlo ka mga subject person sa ginkasa nga drug buybust operation sa Brgy. Libas, Roxas City.
Ang mga subject person amo sanday alyas Ed, 40-anyos, isa ka High Value Individual kag residente sang Brgy. Libas, Roxas City, alyas Fren, 26- anyos kag residente sang Brgy. Cogon, Panitan, Capiz kag alyas Nestor, 28-anyos kag residente man sang Brgy. Libas, Roxas City.
Sandig sa impormasyon nga nakuha sang Bombo Radyo sa Roxas Component City Police Station, nakuha sa paghinakop sang mga subject person ang 16 ka heat sealed plastic sachets sang ginapatihan shabu nga nagabug-at sang masobra 53 grams kag ginabanta nga may street drug price nga P360,400.
Gindala ang mga subject person sa Roxas Component City Police Station para sa nagakaigo nga disposisyon kag pagapasakaan sang kaso nga paglapas sa Republic Act No. 9165 ukon Comprehensive Dangerous Drugs Act of 2002.
