Tatlo ka manugpangisda, nadakpan nga nagapatigayon sang iligal nga pagpangisda sa banwa sang Panay

PANAY, CAPIZ – Dakop ang tatlo ka manugpangisda nga nagapatigayon sang iligal nga pagpangisda nga ginatawag ‘TRAWL’ sa kalalawran nga sakop sang banwa sang Panay.

Ginkilala ang mga nagkaladakpan nga manugpangisda nga sanday alyas Berto, 44-anyos, alyas Chris 24-anyos kag alyas Arman, 44-anyos nga lunsay mga residente sang Brgy. Casanayan, Pilar, Capiz.

Nakuha sa paghinakop sang mga nagkaladakpan ang isa ka unit sang pump boat, isa ka unit sang makina, fishing net with complete accessories, kag kapin 25 kilos nga nanari-sari nga mga isda nga ginabulubanta nagabalor sang P5,000.

Sa karon ang mga nakumpiskar nga fishing paraphernalias ka gang mga nagkaladakpan ang gin-turn-over na sa MENRO-LGU Panay para sa nagakaigo nga disposisyon.