Tatlo ka manugpangisda ang nadakpan sang Panay Municipal Police Station (MPS) kag MENRO LGU-Panay bangud sang ilegal nga pangisda sa banwa sang Panay
Ang mga nadakpan amo si alyas Armando, 49 anyos, upod ang iya duha ka tripulante nga sanday alyas christian, 26 anyos, kag alyas glen, 36 anyos. Ang tatlo mga residente sang Brgy. Barra, Roxas City, Capiz.
Suno sa Panay MPS, ginpatigayon ang operasyon kontra ilegal nga pagpangisda matapos madakpan ang grupo nga naga-engage sa ilegal nga aktibidad nga ginatawag “Timing” nga wala sang Mayor’s Permit, nga paglapas sa Municipal Ordinance No. 03-02 ukon Municipal Fishery Code, Series of 2003.
Sa operasyon, nakuha sang otoridad ang isa ka pump boat, duha ka diesel engine, 250 ka bilog sang timing nga may kompleto nga accessories, kag kapin sa apatnapu (40) ka kilo sang kasag ukon alimango nga may balor nga Php202,500.00 tanan.
Ang mga nadakpan kag ang mga nakumpiska nga kagamitan gin-turn over sa MENRO LGU-Panay para sa husto nga disposisyon kag padayon nga proseso sang kaso.
