Tatlo ka mga armas-luthang ginsungka sang Punong Barangay sa banwa sang Dumarao

ROXAS CITY -Tatlo ka mga armas-luthang ang boluntaryo nga ginsungka sang isa ka punong barangay sa Dumarao Municipal Police Station.

Boluntaryo nga ginsungka ni Punong Barangay Melchor Dampog 55-anyos residente sang Barangay Bungsuan, sang nasambit nga banwa ang isa ka unit sang home shotgun pistolized type, isa ka unit sang kalibre .38 nga armas-luthang kag isa ka unit sang kalibre .22 nga rebolber nga lunsay tanan wala sang bala.

Ang nasambit nga mga armas-luthang ang natalana nga igaturn-over sa FESAGS division sang CPPO.