Arestado ang tatlo ka mga indibidwal sa illegal nga pagpangisda sa baybayon nga sakop sang Panay, Capiz.
Ang mga arestado amo sanday alyas Sus, alyas Ron kag alyas anton lunsay residente sang Estancia, Iloilo.
Sa impormasyon nga nakuha sang Bombo Radyo sa Panay Municipal Police Station, nadakpan sa akto ang mga suspek samtang nagagamit sang ilegal nga pamaagi sa pagpangisda nga kilala sa tawag nga “Panggal” nga wala sang Mayors Permit.
Narekober sang mga otoridad ang isa ka unit sang makina sang baroto, 150 pcs sang “Panggal” nga may kabug-usa nga balor nga nagalab-ot sa P96,000.00.
Sa subong, temporaryo nga yara sa kustodiya sang Municipal Environment and Natural Resources Office ukon MENRO-LGU Panay ang mga arestado para sa nagakaigo nga disposisyon.
