Arestado ang tatlo ka indibidwal bangud sa pagpatigayon sang illegal fishing nga ginatawag “taklong” sa kadagatan nga sakop sang banwa Panay.
Ang mga arestado amo sanday alyas “Jun”, 28-anyos; alyas “Berlito”; kag alyas “Hanibal”, 64-anyos, nga lunsay residente sang Barangay Navitas sa nasambit nga banwa.
Sa interview sang Bombo Radyo kay Police Captain Eric Deocampo, Hepe sang Panay Municipal Police Station, iya ginpahayag nga narekober sa mga arestado ang fishing net, nagkalain-lain nga klase sang isda kag baroto nga may kabug-usan nga balor nga P110,000
Suno kay Deocampo, padayon sila nga magatutok sa kampanya batok sa illegal fishing.
Sa subong, yara na sa kustodiya sang Municipal Environment and Natural Resources Office sang banwa ang mga arestado para sa nagakaigo nga disposisyon.
