-- ADVERTISEMENT --
Padayon nga ginapangita ang Tatlo ka mga indibidwal nga ginreport nga missing matapos narumpag ang landfill sa Rodriguez, Rizal.
Suno kay Rodriguez municipal mayor Ronnie Evangelista, padayon ang ila monitoring kag koordinasyon sa pribado nga operator sang landfill angut sa insidente.
Naghingyo man ang alkalde sa Department of Environment and Natural Resources (DENR) nga magpatigayon man sang imbestigasyon.
Una na nga ginpahayag sang grupo sang Kadamay nga 50 ka tawo ang missing bangud sa pagkarumpag sang landfill.
Padayon naman nga nagapatigayon sang imbestigasyon ang mga otoridad sa nasambit nga insidente.
-- ADVERTISEMENT --
