Patay ang tatlo ka mga indibidwal samtang 36 ang pilason matapos gin-atake ang duha ka airports sa Saudi Arabia, kadungan sang paglala sang inaway sa Yemen.
Suno sa Saudi civil aviation authorities, isa ang patay kag walo ang pilason sa pag-atake sa King Khalid International Airport sa Riyadh.
Duha naman ang patay kag 28 ang pilason sa pag-atake sa mga pasilidad sang Abha Airport.
Gin-ako sang Houthi nga grupo ang ila responsibilidad sa pila ka mga pag-atake, lakip na ang paggamit sang mga drone batok sa airport sa Riyadh.
Bilang sabat, naglunsyar naman sang pag-atake ang Saudi-led coalition batok sa mga target sang Houthis sa Yemen.
Suno sa koalisyon, ginpuntirya nila ang masobra 80 ka mga Houthi military sites sa mga probinsya sang Saada, Hodeidah, Jawf kag Marib.
Bangud sini, wala na nagpadayon sa paghugpa ang eroplano kag sa baylo ginsaylo ang flight sini sa Jeddah, Saudi Arabia.
Padayon nga nagalala kag nagabaskog ang inaway sa Yemen, nga nagresulta man sa pag-evacuate sang masobra 200,000 ka mga tawo, suno sa International Organization for Migration.
