-- ADVERTISEMENT --
Arestado ang tatlo ka mga individual bangud sa illegal fishing sa baybayon sang Panay, Capiz.
Ang mga arestado amo sanday Alyas Cris, Alyas Isaac, kag Alyas Elmo Lunsay, residente sang Brgy. Casanayan, Pilar, Capiz.
Base sa impormasyon nga nakuha sang Bombo Radyo sa Panay Municipal Police Station, narekober sang mga otoridad ang isa ka pump boat, motor engine, fishing nets nga kompleto sang kagamitan, kag mga isda nga nagatimbang sang masobra 100 kilos.
Ginabulubanta nga naglab-ut sa ₱160,000.00 ang kabug-osan nga kantidad sang mga isda.
Sa subong, temporaryo nga yara sa kustodiya sang Municipal Environment and Natural Resources Office sang Panay ang mga nadakpan, lakip na ang mga ebidensiya, para sa nagakaigo nga disposisyon.
-- ADVERTISEMENT --
