Pilason ang tatlo ka mga overseas Filipino workers (OFWs) sa drone strike sa Kuwait International Airport.
Suno sa Department of Migrant Workers (DMW), duha sa tatlo ka mga OFW ang ginbulong samtang ang isa naman ang gintahi sa kamot kag ulo bangud man sa naangkon sini nga nga mga pilas.
Ginpahayag man ni DMW Secretary Hans Leo Cacdac, nga ginkadtuan na sang Migrant Workers Office ang mga pilason nga OFWs kon sa diin nakaguwa na ang mga ini.
Nahibaluan nga nagatrabaho ang tatlo ka mga pinoy sa airport matapos nagluntad ang pagpang-atake.
Nagmando man si President Ferdinand Marcos Jr. nga bantayan ang kahimtangan kag sitwasyon sang mga Pilipino nga yara didto.
Sa subong, gina-asikaso naman nila ang pagpauli sang pila ka mga apektado nga OFWs agud man nga mahatagan sang nagakaigo nga bulig sang gobyerno.
