ROXAS CITY-Nakapagkit sang tatlo ka mga panibag-o nga kaso sang COVID-19 ang banwa sang Pontevedra kahapon nga adlaw.
Sandig sa Official Statement ni Pontevedra Mayor Esteban Evan “Dodoy” Contreras, ang mga nagpositibo angginalakipan sang mga masunod:
Case No. 26: 37 anyos nga lalaki kag residente sang Barangay Bailan, Pontevedra, Capiz. Nagatrabaho sa isa ka pribado nga talatapan sa syudad sang Roxas kag ginapatihan nga naka-close contact sa isa ka kaupdanan sini nga nauna na nga nagposistibo sa COVID-19.
Sa karon nagapabilin ini sa Provincial Temporary Treatment and Monitoring Facility (PTTMF) matapos makabatyag sang pila ka mga simtomas.
Case No. 27: 37 anyos nga babaye kag residente man sang Barangay Bailan, Pontevedra, Capiz. Ini ang close contact sang ika-26 nga nagpositbo sa nasambit man nga balatian. Mahibaluan nga wala sang exposure sa mga lugar nga infected sa COVID-19 ang nasambit nga indibidwal.
Case No. 28: 69 anyos nga babaye kag residente sang Barangay Hipona, Pontevedra. Wala sang close contact sa mga nagpositibo kag wala sang history of travel sagwa sang probinsya apang nakapacheck-up sa isa ka pribado nga klinika sa syudad snag Roxas.
Sa karon, ginatutukan na sang ila tagsa ka mga Barangay ang maid-id nga contact tracing sa mga posible na close contact sang tatlo ka mga persona.
